Noticias//A investigación a debate - Fundación Barrié. Presentación mércores 28 de setembro, 20:00 h.

A Editorial Galaxia e a Asociación de Bolseiros da Fundación Barrié comprácense en anunciar a presentación da revista

GRIAL 190. A INVESTIGACIÓN EN VALOR
DIÁLOGOS 01

Este número da revista GRIAL foi dedicado a analizar o papel da investigación na sociedade actual. A Asociación de Bolseiros da Fundación Barrié, integrada por máis de setecentos beneficiarios de distintos programas desta entidade, organizou en novembro de 2010 unha serie de encontros arredor desta cuestión, que denominaron Diálogos 01 e que centran o monográfico da revista.

O acto contará coa participación de Ana J. Varela, voceira da Asociación de Becarios da Fundación Barrié, Víctor F. Freixanes, codirector da revista, Toni García, un dos coordinadores do número e de Diálogos 01, Begoña Graña, investigadora, e Javier López Martínez, director da Fundación Barrié.

Mércores 28 de setembro, ás 20:00 h, na Fundación Barrié.
Cantón Grande, 9. A Coruña
Entrada libre